هكذا رد نشطاء مصريون على "بوست" للسيسي عن ارتفاع الدين

أثارت تدوينة نشرها الحساب الرسمي لرئيس الانقلاب في مصر، عبد الفتاح السيسي، حول ارتفاع مديونية مصر، سخرية العشرات من النشطاء المصريين.

وكتب الحساب الرسمي للسيسي: "الدين العام قفز من 700 مليار جنيه إلى 3.4 تريليون جنيه#اسأل_الرئيس #أبدع_انطلق"، نقلا لتصريحات السيسي في مؤتمر له أول أمس الأربعاء.

وفي الوقت الذي أشادت فيه بعض التعليقات بالسيسي وإنجازاته، تناسلت العشرات من التعليقات المنتقدة والساخرة من "فرحة" السيسي بارتفاع الدين العام.

وفي هذا الصدد، قال حساب "Eslam Fahmi": أقسم بالله المفروض أنا بدرس هندسه شوفت البوست وكنت في محاضرة سالت الطلبة اللي جنبي هو إيه الأكبر المليار ولا التريليون من كتر فرحتك والثقه شكيت في نفسي".


من جهته كتب "Ahmed Yehia": "و مفروض أننا نتحمل دين ملناش علاقة بيه ولا نعرف مين الي عليه الدين أنت ليه محسسني أن الشعب الي عليه الفلوس دي إحنا مالنا ارحمونا بقى محسسنا إنكو مديونين ب 700 مليار و معيشنا في أوروبا بالفلوس دي ارحمونا بقى".

وعلق ناشط قائلا: "قلنا 100 مرة باسوورد الصفحة ما يتسابش مع السيسي يا جماعة"، وقال آخر: "عاجبني هشتاج أبدع انطلق، فعلا يا ريس أبدعت، الله يخربيتنا إحنا يا شيخ".

أما حساب "Eman Ismail" فكتب: "وبالمناسبة العظيمة دي ياريس لازم بقى تزود المعاشات العسكرية ومرتبات القضاة عشان بقالهم كتير مازدوش". ??

وناشد ناشط السيسي قائلا: "والنبي يا ريس تفتح التعليقات بالصور في البوست الجاي أمانة عليك يا شيخ ومش مهم الدين وصل ما خربت واللي كان كان".

وتساءل آخر "أنت بتتكلم جد؟!... شكلك بتهزر قول والنبي إنك بتهزر يافرحة الإخواااان فينا ياشماتة الجماعات التكفيرية في بلدي يااختااااي ...كان مستخبيلك فين ده اللي صابك ماصابش حد طيب أضحك ولا أعيط دلوقت أفرح ولا أحزن لاااااا أنا أنتحر أحسن".

فيما كتب حساب "Fadwa M Elraggal": ساخرا: "أنا كان ليا عند الحكومة 85 جنيه لو مفيهاش إساءة أدب يعني أنا عيزاهم".

وعلق "أحمد محمد": "بيفكرني بالراجل الصعيدي اللي في مسرحية عفروتو.. الناس في المزاد بتقول 4 و5 مليون وهو يقول 15 ألف جنيه تقريبا نفس الدماغ فاكر أن 3 تريليون أقل من 700 مليار #عاوزينه_للآخر ياريس".

وكان السيسي قال، الأربعاء الماضي، في مؤتمر للشباب، إن الدين العام للبلاد قفز من 700 مليار جنيه عام 2011 إلى 3.4 تريليون جنيه الآن، مضيفا: "استلفنا لدرجة إن إحنا خلينا مديونيتنا.. الدين العام المصري.. 4 أضعاف ما كنا عليه في 2011".