سياسة عربية

باسم يوسف يوضح حقيقة الهتافات ضده بمسرح في أمريكا (شاهد)

نيويورك - عربي21 25-Apr-16 06:53 PM

باسم يوسف عن "اليوم السابع" وصحف مصرية أخرى: بروباجندا رخيصة من مواقع رخيصة - أرشيفية

رد الإعلامي المصري باسم يوسف على أخبار نشرتها صحف مصرية حول هتافات بعض المصريين ضده أثناء عرض مسرحي في نيويورك بالولايات المتحدة الأمريكية.

وقال باسم يوسف إن "القصة خائبة"، وغير صحيحة، متابعا: "طبعا مواقع (إياها) منزلة قصة غريبة قال يعني (المصريين) طردوني من المسرح في نيويورك وقصة خائبة كده مالهاش لازمة".

وأضاف: "المهم أحب أقول لليوم السابع وشوية المواقع التانية دي إنها حركة بلدي قوي".

وأكمل قائلا: "للتوضيح العرض كان ممتازا وكالعادة فيه برضه نفس الخمسة ستة البائسين اللي حاولوا يغلوشوا. والجمهور كان بيهتف out out out عشان هما اللي يطلعوا برة".

ونوه باسم يوسف إلى أن "المهنية اللي مقطعة بعضها مخلياهم بيكذبوا ويقولوا إن الهتاف كان ضدي. وده مش حقيقي. أنا نزلت امبارح الفيديو بتاع استقبالي لما دخلت المسرح. ودلوقتي باحط الفيديو اللي كان في آخر العرض وإزاي الجمهور كان مبسوط ومشجع جدا".

وختم باسم يوسف منشوره عبر "فيسبوك"، قائلا: "بروباجندا رخيصة من مواقع رخيصة".

وعرض يوسف فيديو يظهر حفاوة الحضور به داخل المسرح، في تكذيب منه لما نشرته صحف مصرية أبرزها "اليوم السابع".

وعبر منشور آخر، نفى باسم يوسف أن يكون قد تعرض لاعتداء أثناء حضوره عرض مسرحي في لندن، ونيويورك.

وقال: "مافيش اعتداء حصل ولا حاجة ولا في لندن ولا في نيويورك".

وشدد باسم يوسف على نفيه ما روجت صحف مصرية عنه من تقديم عرض مسرحي يسيء إلى مصر.

وأضاف: "كلام غلط ومش صح إلا لو كان جهاز الكفتة من الثوابت الوطنية مثلا. اللي في لندن وضحناه كتير بس بقى في نيويورك ده كان الضحك كله".

وأكد باسم يوسف أن من هتف ضده في لندن ونيويورك هم "خمس ست أشخاص كل عشر دقايق اللي يطلع يقول تحيا مصر أو يهتف سيسي سيسي أو يغني النشيد الوطني أو يقاطع بأي كلام مالوش لازمة والناس تشتمه".

وأردف قائلا: "الأمن حاول يطلعهم كذا مرة وأنا بقولهم سيبوهم دول لطاف خالص والحمد لله اتسليت عليهم لغاية آخر العرض وكانوا بونبوناية الليلة".

وخلص باسم يوسف إلى أن "الليلة كانت ناجحة فوق الوصف. مسرح في وسط نيويورك متباع تذاكره بالكامل وأكتر من متين واحد على قائمة الانتظار".

وبعث باسم يوسف برسالة إلى من يهتف ضده، قائلا: "الهتيفة البائسين فهما نفس الوشوش الهتيفة هنا في نيويورك ونفس "المواطنين الشرفاء" اللي معروفين للجالية المصرية هنا. أنا حزين إن ناس في السن ده نازلة تهزأ نفسها في آخر عمرها كده".

وختم قائلا: "المهم الفيديوهات اللي نزلناها في أول وآخر العرض كفيلة أنها تثبت كذب الادعاءات دي بس مع ناس صدقت جهاز الكفتة والوحش المصري وأننا أسرنا قائد الأسطول السادس تفتكروا حتفرق؟ لا طبعا. هي بس حتوضح لكن مين المواقع المشبوهة اللي بتروج لأكاذيب".