هكذا رد نشطاء التواصل على خطاب أمين عام حزب الله

أثار خطاب أمين عام حزب الله، حسن نصرالله اليوم الجمعة، والذي رفض فيه مطالب المتظاهرين المتعلقة بسقوط "العهد" والحكومة ومجلس النواب، إضافة للغة التهديد بكون المقاومة الطرف الأقوى بالمعادلة اللبنانية، ردود فعل ساخطة وغاضبة من لدن نشطاء التواصل الاجتماعي، بمن فيهم سياسيون وحزبيون من داخل وخارج لبنان.

وأكد نصرالله وجود "مندسين يتبعون سفارات أجنبية يحركون المشهد"، محذرا بذات الوقت "من وقوع البلاد في الفراغ والفوضى الأمنية والانهيار" .

وقال نصرالله في كلمة متلفزة بثتها قناة المنار التابعة للحزب الجمعة: "إن أقوى طرف في المعادلة الداخلية اللبنانية الآن هي المقاومة، ومستعدون لدفع ثمن حماية بلدنا وكرامتنا وشعبنا".

وطلب نصرالله من جمهور الحزب ترك الساحات، داعيا "القيادات الحقيقية للحراك إلى أن تطمئن اللبنانيين والمقاومة إلى أن البلد ليس مستهدفا".

شاهد حسن نصرالله وهو يمارس الارهاب ضد اللبنانيين pic.twitter.com/Ue0Hj92mDz

بالاذن من الأمين العام ل"حزب الله" حسن نصرالله، جلت وكثيرين مثلي، على الطرق بين بيروت وطرابلس، مرات ومرات، ولم يطلب أحد مني او ممن كانوا بمتناول نظري، لا هوية ولا اسما ولا جوابًا عن أي سؤال.
لماذا هذه "الأبلسة"للحراك الشعبي وتصوير السلوك الاعتراضي بالميليشياوي؟

هيدي مش مجرد صورة
هيدي ثقافة مجتمع تربى انه اكبر من لبنان #لبنان_ينتفض #نصر_الله_واحد_منهن pic.twitter.com/B6ojHOcyQD

تم وضع علم لبنان في خلفية خطاب نصرالله للمرة الأولى !
هيدا كمان من انجازات الثورة.

نصرالله يقود في خطابه الان الثورة المضادة عبر محاولة الحديث عن سفارات وشيطنة متظاهرين..
كلن يعني كلن

مين نزل عالساحات بأعلام حزبية مش بالعلم اللّبناني؟
مين هجم عالمتظاهرين بالعصي و السّلاح؟

-حزب الله
-حركة أمل
-التيار الوطني الحر

معروف مين الأزعر بلبنان و مين ما بدو مصلحة لبنان و مين بدّو يخرب الثورة !!!!#لبنان_ينتفض#نصر_الله_واحد_منهن#كلن_يعني_كلن_نصرالله_واحد_منن

ليش نصرالله مش متقبّل انو الشعب اللبناني واعي لدرجة انو بيعرف شو بدّو و بيعرف كيف يرد عالسلطة ؟
يا اخي مش كلنا غَنَم متل اتباعك.

بعض من أعلنوا غضبهم وشتائمهم بحق الحزب يخرجون مجدداًَ في فيديوهات يعتذرون فيها.أحدهم ظهر جريحا مدمى في مشهد يشي بمدى الضغط الهائل الذي تعرض له هؤلاء ليقدموا اعتذارات بدت مفتعلة.
حزب الله يعرف ذلك لكنه لا يبالي فالمهم إثبات القوة لا إثبات الحق- ديانا مقلد https://t.co/12N4D1XzBc

التمويل الخارجي...

أحرار ثورة النبطية ??

?#لبنان_ينتفض pic.twitter.com/0KIR9WsP0z

جاءت القمصان البيضاء ردًا على القمصان السوداء #لبنان_ينتفض pic.twitter.com/H9PNzj8KWE

والله يا سيد عم نستخدم تلفوناتنا، وعم تزيد فاتورة التلفون وعم ندفع من جيوبنا لنجيب مكبر صوت، وماي وكم خيمة بالساحة!
ايه وفي كتير ناس عبال تدفع وتساهم، عم يتبرعوا بطاولة او كراسي وفي هيدا الشاب اسمه وائل عم يطبخ للناس قمح وشوية دجاج .#لبنان_ينتفض pic.twitter.com/L6BnNR8hh3

ما حدا طلب هوية حدا عالطرقات
وما في حدا عم ياخد مصاري من حدا
خيّط بغير هل مسلّة#لبنان_ينتفض

كل ما خونوكم وطلّعوا إشاعات وبعتوا مندسّين عرفوا انكم على الطريق الصحيح ?? #لبنان_ينتفض

هودي فيه سفارات وراهن #لبنان_ينتفض pic.twitter.com/FqjK3uE6XA

المقاومة بتكون ضدّ اسرائيل، مش ضدّ شعبكم.#لبنان_ينتفض

كل ست بيت عملت طبخة و اجت توقف حد اهلها و ناسها .#لبنان_ينتفض pic.twitter.com/7BLbVllmMH

اليوم الأول: تجاهل
اليوم الثاني: محاولة التفاف ودعم
اليوم الثالث: احتضان ومزايدة
اليوم الرابع: صدمة
اليوم الخامس: صمت
اليوم السادس: استخدام قوى الأمن
اليوم السابع: اعتداء
اليوم الثامن: دعوة للتفاوض + اعتداء
اليوم التاسع: تخوين

والحبل عالجرار مع السلطة بكل أطيافها#لبنان_ينتفض