تفاصيل اليوم الأخير في حياة الفنان وائل نور

نشرت ابنة الفنان المصري الراحل سامي العدل، الأربعاء، تفاصيل آخر لقاء جمعها بالفنان الراحل وائل نور، قبل وفاته بيوم واحد.

وكتبت رشا في حسابها على "فيسبوك": "الله يرحمك يا وائل كان لسة معايا امبارح وبيقول لي فاكرة زمان وانتي عيلة صغيرة وكنا بنلعب بيكي في بيتكم القديم، الله يرحم أبوكي عارفة يا بت يا رشا جيلنا ده مش ها يتعوض. عملنا كل حاجة واتبسطنا بجد. عشنا الحياة اللي الجيل ده محروم منها، بجد أنا ببقى فرحان لما بشوفك وعايزك تخدي بالك من نفسك علشان انتي جميلة من جواكي.. بس أنا مبسوط ومبسوط أوي.. وقعد يرقص ويضحك".

وأضافت: "لو كنت اعرف انك هاتروح كنت قعدت معاك شوية كمان وسمعت ذكريات أكتر.. ربنا يرحمك ويغفر لك ويثبتك عند السؤال.. وداعا وائل نور".

وتوفي الفنان وائل نور عن عمر يناهز الـ55 عاما، الاثنين، وذلك في منزله بمنطقة العجمي في الإسكندرية.

وعثر السائق الخاص بالفنان وائل نور عليه مفارقا الحياة في منزله، مشيرا إلى أنه بعدما حاول أن يتصل به كثيرا ولم يكن يرد على الهاتف، قام السائق باقتحام منزله، ولكنه وجده قد فارق الحياة.