"حلم بلاستيك" مسرحية مصرية تتناول مشاكل المجتمع

تناولت فرقة مسرحية مصرية مشاكل المجتمع والسياسة التي يواجهها الجيل الجديد في البلد من خلال عرض تجريبي كتبها وأخرجها الفنان الشاب شادي الدالي.

المسرحية بعنوان (حلم بلاستيك) وأخرجها الدالي لفرقة (أتيلييه الممثل) وعرضت في الآونة الأخيرة بمسرح الطليعة في القاهرة.

وقال شادي الدالي لتلفزيون رويترز "أهم حاجة كنت عاوز أتكلم فيها فكرة الواقع اللي بقى صادم جدا وبقى مميت لأي حلم وبقى بيحول أحلام الشباب الجميلة لما يشبه الكابوس. العرض أسود في الحقيقة وغامق شوية ولكنه كوميدي في نفس الوقت. ودا نوع المسرح اللي بأحب أشتغل فيه.. الكوميديا السوداء."

أسس الدالي فرقة (أتيلييه الممثل) عام 2010 وقدمت منذ ذلك الحين عدة عروض مسرحية هي الفاشلون (2010) وأوبريت الدرافيل (2011) وضحك السنين (2012) وصنع في الصين (2013).

يستعين الدالي كثيرا في أعماله المسرحية بأسلوب الارتجال التي تختلف كثيرا عن الشكل التقليدي للأعمال المسرحية.

وقال المخرج "المسرح محتاج تجريب.. الفن عموما محتاج تجريب وإلا مش ح نتحرك لقدام. يعني حتى شكل الدراما في المسرحية مش الشكل المعتاد.. مش الشكل الكلاسيكي المعتاد خالص. طريقة الكتابة.. طرق التمثيل.. أنا بأجرب في كل حاجة.. في التشكيل في الفراغ.. في الفوتوغرافيا.. في الملابس.. في الإضاءة.. بنحاول نجرب على قد ما نقدر لأن دا اللي ح يخلينا نعرف احنا ماشيين ازاي."

وتتناول (حلم بلاستيك) العديد من القضايا مثل الهجرة من مصر والبطالة والتحرش الجنسي.

وقال الممثل الشاب محمد مسعد عضو الفرقة "احنا دائما بنلعب ... على حتة .. الإحباط. لأن احنا مش بنحب نعمل نوع المسرح اللي هو نقعد نجمل في الحاجات وبدل ما نتكلم مثلا في قضية مثلا تحرش فنقول يا جماعة خذوا بالم ما تتحرشوش بالناس.. ما بنحبش نناقش الموضوع بالطريقة دي. احنا بنحب أننا نضغط على.. زي ما بيقولوا.. الوتر الحساس. اللي هو لو حاجة بتضايقك أنا ح أفضل أكلمك فيها عشان تفوق."

تتكون المسرحية من عدة مشاهد قصيرة يناقش كل منها قضية مثل السعادة والحرية والديمقراطية.

وذكرت الممثلة رندا عصام عضو (أتيليه الممثل) أن المسرحية نالت إعجاب الجمهور رغم أسلوبها التجريبي.

وقالت "الناس انبسطت بالعرض جدا لأن كلهم عاشوا المواقف دي وما حدش تخيل أن ممكن حد يتكلم عنها بالانفتاح دا ويقول فعلا مشاكله زي التحرش أو فكرة أن العالم إلى حد ما وهمي وكل الفلوس متحكمة في كل حاجة. فعشان الموضوع عميق (بالانجليزية) قوي.. يعني جاي لنا من جوه فالناس فعلا أحسته لأن كلها مرت بالمواقف دي."

عرضت (حلم بلاستيك) للمرة الأول في يونيو حزيران في العاصمة الألمانية برلين. كما سبق عرضها بمسرح الطليعة في أكتوبر تشرين الأول على مدى 49 ليلة عرض.

ومن المقرر أن تعرض المسرحية بإمارة الشارقة من 10 إلى 13 يناير كانون الثاني.