"احنا جيل نفسه يفرح".. وسم مصري معبر عن الواقع

تداول نشطاء مصريون على مواقع التواصل الاجتماعي وسما بعنوان #احنا_جيل_نفسه_يفرح، للتعبير عن حالة الحزن والإحباط التي يعيشونها في ظل نظام الانقلاب العسكري والأوضاع التي يعيشونها.

وتطرقت تدوينات وتغريدات رواد مواقع التواصل الاجتماعي إلى ما وصفوها بالأوضاع العصيبة التي يُعانون منها، وخاصة الظروف الاقتصادية، والسياسية، والاجتماعية، مُعبّرين عن حالة الحزن واليأس والإحباط التي تنتاب بعضهم. وتمنى بعضهم مغادرة البلاد والسفر للخارج.

وأضاف المغرد محمد: "جيلنا اتظلم واتقهر، وفي كل يوم بيموت جواه أمل في الحياة، مطلوب مننا كل حاجة ومنخدش أي حاجة. الابتسامة بقينا بنضحك غلب. محدش شايفنا بنتلام على كل حاجة. محدش قال في حقنا مرة أننا بجد مظلومين معصورين هنفضل مستنين لحظة نفرح فيها ثانية ومش هتيجي".

— Mohamed Eio???? (@MoSalah81628736) September 2, 2019

وقالت المغردة إسراء: "احنا جيل فشل في كل حاجة. مش لأنه فاشل بس هو اتشوه. عايش صراع دائم مع نفسه كل يوم حرب".

— Esraa Eesa (@esraa_1312) September 2, 2019

وعلق حساب حمل اسم "حفيد الفوهور" بالقول:" #احنا_جيل_نفسه_يفرح أواخر الثمانينات، جيل قضى حياته كلها مراحل انتقالية من فساد لفساد ثم ثورة ثم ضحك علينا ثم أخرس مسمعش صوتك خالص".

— حفيد الفوهرر (@DonMafia77) September 2, 2019

كما غرد معتز:" إحنا الجيل اللي اتظلم.. الجيل اللى أتربى على إيد جيل من جيل اتأثر بكل حاجة حلوة من الزمن الجميل.. إحنا الجيل اللي كان من أقل  نسبة أمل بيفرح (كلمة فرح بتبسطه).. إحنا الجيل اللي نسبة الاكتئاب في بقت مرتفعة جدا.. احنا جيل يعاني من قلة الفرح".

— ??Moعtaز? (@mo3taz__1) September 2, 2019

وعن الأوضاع بالنسبة لأهل سيناء، كتب المغرد عرفات: "‏كل الشعوب تحلم بالمستقبل، إلا أهل "سيناء" الحبيبة تحلم بالعودة إلى الماضي. #احنا_جيل_نفسه_يفرح".

— Rof Arafat?? (@Rof689) September 2, 2019

كما كتب رفعت قائلا: "‏احنا جيل نفسه يفرح.. احنا جيل ميعرفش طعم الفرحة.. احنا جيل مستقبله ضايع.. احنا جيل معتش فيه طموح.. احنا جيل بينزف حاليا من الأيام دي.. كل اللي طلبينه فرحة مش أكتر وطموح. #احنا_جيل_نفسه_يفرح".

— Rof Arafat?? (@Rof689) September 2, 2019

وتساءل حساب "فينوم": "‏‎#احنا_جيل_نفسه_يفرح.. احنا ليه متأخرين.. ليه موالين للغرب.. ليه مش عارفين حقوقنا.. ليه بنقتل في بعض.. كلها أسئلة عاوز حد مسؤول يجاوبني عليها بس للأسف ما فيش حد مسؤول عنده ضمير ولو موجود بيقتلوه زي ما قتلوا قبله".

وكتب المغرد محمد نصر: "‏عايشين في مصر ابتلاء. #احنا_جيل_نفسه_يفرح". وسخر طارق: "‏‎#احنا_جيل_نفسه_يفرح.. طب إزاي واحنا لا ضباط ولا قضاة ولا حتى رجال أعمال".

فيما تمنى أيمن رمضان: "‏‎#احنا_جيل_نفسه_يفرح هنفرح وقت ما نعيش حياتنا بالعدل.. هنفرح اما منتغربش برة بلدنا ومشتغل 8 ساعات بس مش 16.. هنفرح أما نكون سواسية في الحقوق كلنا مش عشان ابن باشا أو ابن بية يموتونا ويعيشو هما.. والله العظيم هنفرح بأي شغل جوة بلدنا بس ناخد حقوقنا ونتعامل بآدمية".

— ahmed mohey (@mohey509) September 3, 2019

وعدد وائل المحطات التي عايشها جيله بالقول: "‏يفرح مين يا باشا، خد عندك.. حرب الخليج الأولى والثانية، أزمة اقتصادية تشبه الكساد الكبير اللي حصل في العشرينات، داعش والقاعدة، الإسلاموفوبيا، ثورات الربيع العربي، بلحة، حروب في سورية والعراق وليبيا واليمن، والقضية الفلسطينية، وتقولي نفرح. #احنا_جيل_نفسه_يفرح".