الإعلامي أحمد موسى يهاجم أبو تريكة.. ونشطاء يردون (شاهد)

تعرض الذراع الإعلامي الأبرز لنظام الانقلاب في مصر، أحمد موسى، إلى هجوم واسع من قبل محبي نجم الكرة المصري محمد أبو تريكة، عقب هجوم الأول عليه، واتهامه بأنه "إرهابي تجب معاقبته".

وعبر برنامجه "على مسؤوليتي" المذاع عبر فضائية "صدى البلد" الأربعاء؛ قال موسى إن "أبو تريكة راح اعتصام رابعة.. كان رايح يعمل إيه؟ هما كانوا بيصلّوا؟ ولا رايح يلعب 10 طاولة؟ كان رايح يسلي الإرهابيين هناك، ويساند فصيلا إرهابيا".

وأضاف: "الرياضة موضوع خالص، احنا هنا بنتكلم عن جرائم إرهابية، أنا عندي بيادة جيشي على دماغي، أبو تريكة ميلزمنيش النهارده، جيشك الأولى والأهم، شرطتك الأهم، قضاؤك الأهم، وبلدك".

وتابع: "جايين تشتموا القضاء النهارده وكنتوا بتهتفوله امبارح؟ إيه الحول والعمى اللي عندكم ده؟ دول قضاة مينفعش تتكلموا عنهم كده، روحوا للنقض وقدموا أدلة براءتكم، لكن متقدملوش كورة لأنه قدّم للارهابيين مساعدات، ودي جريمة لازم يتعاقب عليها".



وقال موسى: "هاشتاجات إيه وبتاع إيه اللي بتعملوه، هيأثر إيه في أبو تريكة، كل ده دعم معنوي هيخلص النهاردة بالليل، وانسوا بأى، أبو تريكة مش هييجي، لو جه هيتقبض عليه في المطار، ده إرهابي راح زار أسر الإرهابيين اللي قتلوا شهداءنا من الشرطة، ودي قضية جنائية، ومتكلمونيش عن الرياضة، الشعب مش هيسمح بده، ومحدش هياخد شعبية على حساب الجيش والشرطة والقضاء".



وعبر موقع "يوتيوب" سجل العديد من النشطاء انتقادهم على هجوم موسى؛ فقال سيف الشمري: "مجرد سؤال لإخواني المصريين من فضلكم، هو فيه مصري يقعد يتفرج على هذا الكائن الخبيث ويصدقه؟".

فأجابه أحمد حامد: "إحنا بنسمعه علشان نعرف مستوى التعريـ... وصل لفين ليس أكثر".

وعقبت ملك شريف: "أنا فرحت إن محمد أبو تريكة الأسطورة خارج مصر، آه يا كلاب السكك لو كان في مصر كنتو هتحبسوه ظلم".

وعلق علاء سيف: "انزل للشارع في مصر بدون حراسة؛ حتعرف الناس مصدقاك قد إيه".

وقالت رباب رزق: "أبو تريكة اللي بتتكلم عليه أحسن منك، والمصريين كلهم بيحبوه، ولو هيفضلوا يقولوا عليه إرهابي لحد السنة الجاية مش هنصدقك".

وكانت محكمة جنايات القاهرة قد أصدرت الثلاثاء، قرارا بوضع نجم الكرة محمد أبو تريكة على قوائم الإرهاب، ومنعه من السفر مع ألف و502 آخرين، وإدراج اسمه على قوائم ترقب الوصول.