إعلامية مصرية تهاجم الشيخ الشعراوي ثم تعتذر

هاجمت الإعلامية المصرية أسما شريف منير، الجمعة، الشيخ محمد متولي الشعراوي، ووصفته بـ"المتطرف".

وقالت شريف عبر حسابها على "تويتر": "طول عمري كنت بسمع الشيخ الشعراوي، ولما كبرت شفت كام فيديو، مصدقتش نفسي من كتر التطرف".

وكانت شريف طلبت من جمهورها طلبا: "صباح الخير عايزه آخد رأيكم في حاجة، بقالي كتير معنديش ثقة في أغلب الشيوخ، كتير منهم مدعين ويا متشددين أوي يا خالطين الدين بالسياسة، نفسي أسمع حد معتدل محترم معلوماته مش مغلوطة، لسه في حد كده؟".

لتأتيها الاقتراحات بسماع الشيخ الشعراوي، لترد قائلة: "طول عمري كنت بسمعه زمان مع جدي الله يرحمه ومكنتش فاهمه كل حاجه، لما كبرت شفت كام فيديو مصدقتش نفسي من كتر التطرف، كلام فعلا عقلي ما عرفتش استوعبه.. حقيقي استغربت". لتنهال الانتقادات للإعلامية المصرية على "تطاولها" على الشيخ الشعراوي.

ولم تمر ساعات حتى عادت الإعلامية أسما شريف وحذفت المنشور الأخير، الذي وصفت به الشعراوي بـ"المتطرف".

وكتبت أسما شريف منير، في منشور على فيسبوك: "حصل بينى وبين شخص حوار اسأت فيه التعبير عن اللي عايزه أقوله و حساه، أتفهم فهم كلامى علي إنى انتقد فضيلة الشيخ متولي الشعراوى، أنا بتكلم من غير ما بحسب كلامي وأنا مقصدش باي حال من الاحوال اني اغلط أو يوصل كلامي بشكل غلط كده ، انا مش بقيم فضيلة الامام، انا عموما عمري ما احب اغلط في حد".

وتابعت: "انا باعتذر جدا جدا عشان لم استطع ان احسن التعبير واختيار الكلمات الصحيحة وده يمكن عشان لسه بتعلم و ده عن عدم ادراك انا لسه بتكلم علي طبيعتي زي اول يوم قررت اني اظهر علي السوشيل ميديا، بس دلوقتي لازم اخد بالي من كل كلمه بقولها عشان كل حاجه بتتحسب عاليا و ده جديد عليا، كل مافي الموضوع اني كنت بدور عن مرجع دينى و دروس دينية عشان افهم بشكل مبسط و عشان افهمه كنت محتاجه حاجه تناسب استيعابي ، و الشيخ الشعراوى أعمق من قدراتى لأني في حاجات فعلًا مفهمتهاش، انا مبتدئة بحاول اتعلم و اقرب اكتر من ربنا، و عموما انا بعتذر فعلا عن ذلت لساني وكلمتى .. حقيقي انى اكن للشيخ الشعراوى كل احترام وتقدير رحمه الله وجزاه كل خير وربنا عالم نيتي ايه".