تراشق جديد بين عمرو أديب وساويرس.. "الإنسان لازم يحس بالناس"

شهد الإعلام المصري تراشقا جديدا، بين الإعلامي عمرو أديب، والملياردير رجل الأعمال نجيب ساويرس.

وبدون تسميته، هاجم أديب في برنامجه "الحكاية"، على قناة "إم بي سي مصر"، أشخاصا قال إنهم "استفادوا في ظل الأوضاع الراهنة، ولكنهم برغم ذلك غير راضين".

وتابع أديب: "في ناس لم تستفد أوي من اللي بيجرى، بس اكتشفت في ناس استفادت أوي من اللي بيجرى وبرضو مفيش فايدة".

وتابع عمرو أديب حديثه عن ساويرس، قائلا: "يعني دائما كان واحد يقلك إيه: وهو ليه الناس دي قالبة غامق كده؟ فيقلك أصل إيه هو ما استفادش... لا استفاد".

وأضاف: "فيه ناس استفادوا بس حاسين الاستفادة مش كاملة أو ما عملوش كل الي هم عايزينو أو المليار ما قفلتش... ف دول برضو عندهم مشكلة وعندهم إحساس إنو المواضيع ممكن تبقى أحسن من كده أو كانوا يعملوا فلوس أكتر من كده".

اظهار أخبار متعلقة

وأردف: "لما كنا موجودين وقت الرئيس مبارك قبل الثورة كان واضح كان في ناس ليها مصالح... دول كانوا بيدافعوا عن الحزب الوطني... مفهوم... ناس عندها بزنس في قطاعات معينة بتدافع عن الحزب الوطني وهذا في كل مكان في العالم".

وتابع: "إنما نحن في العهد ده شفنا حاجة جديدة... إن إنت تبقى مزدهر وسعيد ومبسوط ومش عاجبك... يعني المواطن الي مش عاجبو عادي اللي هو بيتكلم على سعر الفراخ وسعر اللحمة مفهوم زيو زي أي مواطن برا في العالم متضايق، إنما كمان إحنا شوفنا الكثير دلوقتي من الناس الي متستفة ومتوضبة والي خدو شغل بمليارات وكده وبتاع مش مبسوطين".

بدوره، رد نجيب ساويرس على أديب بالسخرية أولا، إذ قال "صباح الخير.. هدي أعصابك.. احنا بنتسلى بس.. الحمد لله الدنيا حلوة/ والعيشة فل، والأشياء معدن، والشغل تمام، وهتفرج إن شاء الله".

إلا أن ساويرس عاد وهاجم عمرو أديب، قائلا: "حد يفهمه إن الإنسان لازم يحس بالناس اللي حواليه حتى لو مستفيد و أحواله كويسة".

وأضاف: "ثانيا تداعي الاقتصاد بيؤثر على الكل الغني والفقير، الشركات المصرية التي لا تصدر خسرت جزءا كبيرا من قيمتها السوقية! و الخلاف في الرأي لا يفسد للود قضية،  ولا مفيش ود خلاص؟ 😊".

وكان أديب وساويرس دخلا في سجال إعلامي قبل عدة أشهر، بعد أن اتهم الملياردير المصري، الإعلامي الذي يعمل في قناة سعودية بأنه "مطبّل".



 https://t.co/fkJHKYdLRN

— Naguib Sawiris (@NaguibSawiris) May 15, 2023

صباح الخير …هدى اعصابك … احنا بنتسلى بس ….الحمد لله الدنيا حلوه و العيشا فل و الاشيا معدن و الشغل تمام .. و هتفرج ان شالله https://t.co/UaNiNziSCm

— Naguib Sawiris (@NaguibSawiris) May 15, 2023